Health-and-Nutrition/C2/Vegetarian-recipes-for-7-month-old-babies/Tamil

Time	Narration
00:00	7 மாத குழந்தைகளுக்கான சைவ சமையல் குறித்த Spoken tutorial க்கு நல்வரவு.
00:08	இந்த டுடோரியலில் நாம் கற்கப்போவது, 7 மாத குழந்தைகளுக்கான கூடுதல் உணவின் முக்கியத்துவம் மற்றும்
00:16	பின்வரும் சைவ உணவுகளை எப்படி தயாரிப்பது- பலாப்பழ விதைகள் கஞ்சி
00:23	கொள்ளு தண்டு கீரை கஞ்சி
00:26	தண்டு கீரை காராமணி கஞ்சி
00:28	வெந்தய இலைகள் பீன்ஸ் கஞ்சி மற்றும் வரகு கடலை பருப்பு கஞ்சி
00:35	தொடங்குவோம். முதல் வருடம், குழந்தை தவழ்ந்து நகர தொடங்கும் போது, அவளது வளர்ச்சி அதிக விரைவாக இருக்கிறது.
00:43	குழந்தைக்கு தேவையான சக்தி தேவைகளும் அதிகரிக்கின்றன.
00:48	6-8 மாத வயது குழந்தைகளுக்கு கூடுதல் உணவுகளிலிருந்து, 200 கலோரி வரை தேவைப்படுகிறது.
00:55	கொடுக்கப்படுகின்ற உணவின் அளவு படிப்படியாக அதிகரிக்கப்பட வேண்டும்.
00:59	போதுமான கூடுதல் உணவோடு தாய்ப்பால் கொடுப்பதும் மிக முக்கியமானது என்பதை நினைவில் கொள்ளவும்
01:07	ஆகையால், குழந்தைக்கு ஏழு மாதங்கள் நிறைவடையும் போது,ஒரு நாளைக்கு மூன்று முறை அரை கப் கூடுதல் உணவைக் கொடுக்கத் தொடங்கவும்
01:16	அரை கப் என்பது சுமார் 125 மில்லிலிட்டர்கள் அல்லது 8 மேசைக்கரண்டிகள் உணவாகும்
01:22	இப்போது, குழந்தை பல்வேறு உணவுப் வகைகளை ஏற்றுக்கொள்ள பழகி இருக்கும்
01:28	ஏனெனில், ஆறாவது மாதத்திலிருந்தே அவள், கூடுதல் உணவை உட்கொள்ள தொடங்கிவிட்டாள்
01:33	இப்போது குழந்தைக்கு உணவுகளின் கலவையை அறிமுகப்படுத்தத் தொடங்குங்கள்.
01:38	பிசைந்த மற்றும் கூழாக்கப்பட்ட உணவு மட்டுமே கொடுக்கப்பட வேண்டும் என்பதை நினைவில் கொள்ளவும்
01:44	குழந்தையின் உணவின் நிலைத்தன்மை போதுமான அளவு கெட்டியாகவும், முழுதும் நீராக இல்லாமலும் இருக்க நினைவில் கொள்ளவும்
01:52	குழந்தையின் உணவைத் தயாரிக்கும் போது - எப்போதும் உள்ளூர் மற்றும் பருவகாலப் பொருட்களைப் பயன்படுத்தவும்
01:59	மேலும், பின்வரும் பல்வேறு ஊட்டச்சத்து மிக்க பொடிகளை சேர்க்க நினைவில் கொள்க- கொட்டைகள் மற்றும் விதைகளின் தூள், முளைத்த பீன்ஸ் தூள்
02:08	கறிவேப்பிலை தூள், முருங்கை இலை தூள்
02:11	இதே தொடரின் மற்றொரு டுடோரியலில் இது விளக்கப்பட்டுள்ளது
02:17	குழந்தைக்கு ஒரு வயதாகும் வரை குழந்தையின் உணவில் உப்பு சேர்க்க வேண்டாம்
02:21	குழந்தைக்கு இரண்டு வயதாகும் வரை குழந்தையின் உணவில் சர்க்கரை, வெல்லம் சேர்க்க வேண்டாம்.
02:27	இப்போது- குழந்தைக்கு கூடுதல் உணவாகப் பயன்படுத்தக்கூடிய ஒரு சில சைவ உணவு வகைகளை நாம் பார்ப்போம்
02:35	நமது முதலாவது உணவு, பலாப்பழ விதைகள் கஞ்சி
02:39	இதற்கு தேவையான பொருட்கள்: 15-20 பலாப்பழ விதைகள், ஒரு சிறிய வாழைப்பழம் அல்லது ½ வாழைப்பழம்
02:48	தேங்காய் பால் அல்லது தாய்ப்பால்
02:50	ஒரு தேக்கரண்டி கொட்டைகள் மற்றும் விதைகளின் தூள்
02:53	பலாப்பழ விதைகள் கஞ்சியை தயாரிக்க- பலாப்பழ விதைகளை நன்கு கழுவவும்.
02:59	இந்த விதைகளை ஸ்டீல் பாத்திரத்தில் எடுத்துக் கொள்ளவும். விதைகள் மூடும் வரை தண்ணீரை சேர்க்கவும்.
03:06	5-6 விசில் வரை பிரஷரில் சமைக்கவும்.
03:09	இந்த விதைகளை ஒரு தட்டில் வைத்து, சிறிது நேரம் ஆற விடவும்.
03:16	பின், வெளிப்புற தோலை அகற்ற அவற்றை உரிக்கவும்.
03:20	அடுத்து, மிக்சி அல்லது அம்மியை பயன்படுத்தி அதை கூழாக்கவும்
03:25	இதனுடன், ஒரு பழுத்த வாழைப்பழத்தை தோலுரித்து ஒரு கரண்டியால் பிசையவும்
03:32	இப்போது பிசைந்த வாழைப்பழம் மற்றும் பலாப்பழ விதைகளின் கூழை ஒன்றாக கலக்கவும்.
03:37	அதில் 2 மேசைக்கரண்டி தேங்காய் பால் அல்லது தாய்ப்பாலை சேர்க்கவும்.
03:42	அதில், கொட்டைகள் மற்றும் விதைகளின் தூளை சேர்க்கவும்
03:45	அதை நன்றாக கலக்கவும்
03:47	இந்த கலவையை 3-4 நிமிடங்கள் குறைந்த தீயில் சமைக்கவும்.
03:52	பலாப்பழ விதைகள் கஞ்சி தயார்.
03:56	இந்த பலாப்பழ விதைகள் கஞ்சியில் பின்வருபவை நிறைந்துள்ளதுள்ளன- Protein
03:59	Omega 3 fatty acids
04:02	Potassium மற்றும் Phosphorus
04:06	இரண்டாவது உணவு, கொள்ளு தண்டு கீரை கஞ்சி
04:11	இதை தயாரிக்க நமக்கு தேவையானவை- 2 மேசைக்கரண்டிகள் கொள்ளு பொடி, 2 கப் கழுவிய தண்டு கீரை
04:19	¼ தேக்கரண்டி கறிவேப்பிலை தூள், ½ தேக்கரண்டி நெய்
04:24	செய்முறை: முதலில், கொள்ளை 7 முதல் 8 மணி நேரம் தண்ணீரில் ஊற வைக்கவும்.
04:31	பின், அதை ஒரு வடிகட்டியில் வைத்து தண்ணீரில் நன்கு கழுவவும்,
04:37	எல்லா நீரும் வடிந்த பிறகு, அதை ஒரு சுத்தமான பருத்தி துணியில் கட்டி, முளை கட்டும் வரை ஒரு ஓரமாக வைக்கவும்
04:47	இந்த முளை கட்டிய கொள்ளை, ஓரிரு நாள் சூறிய ஒளியில் காய வைக்கவும்
04:52	அதை குறைந்த தீயில் 8-10 நிமிடங்கள் வறுக்கவும். பின், ஆற வைக்கவும்
04:58	பின் அதனை அரைத்து பொடியாக்கவும். இந்த முழு செயல்முறை malting. என அழைக்கப்படுகிறது.
05:05	அதே நேரத்தில், ஒரு கடாயில் நெய்யை சூடாக்கவும்.
05:10	அதில், கழுவிய தண்டு கீரையை சேர்க்கவும்
05:13	இதை 4-5 நிமிடங்கள் வதக்கி, ஆற வைக்கவும்
05:17	பின், ஒரு மிக்சி அல்லது அம்மியை பயன்படுத்தி அதை கூழாக்கவும்
05:23	அடுத்து, கொள்ளு பொடியில் 2 மேசைக்கரண்டிகள் தண்ணீரை சேர்க்கவும்.
05:28	கட்டி தட்டாமல் இருக்க, அதை நன்கு கலக்கவும்
05:32	இந்த நீர்த்த விழுதை குறைந்த தீயில் 6-7 நிமிடங்கள் சமைக்கவும்.
05:37	இப்போது, தண்டு கீரை கூழை இந்த கொள்ளு விழுதுடன் சேர்த்து நன்கு கலக்கவும்
05:43	அடுத்த 2-3 நிமிடங்களுக்கு அதை குறைந்த தீயில் சமைக்கவும்.
05:48	அதில் கறிவேப்பிலை தூளை சேர்த்து மீண்டும் கலக்கவும்.
05:52	அதை தீயிலிருந்து நீக்கவும். நமது கொள்ளு தண்டு கீரை கஞ்சி தயார்
05:59	இந்த கஞ்சியில் பின்வருபவை நிறைந்துள்ளதுள்ளன- Protein, Omega 3 fatty acids, Calcium
06:06	Phosphorus, Iron மற்றும் Potassium
06:10	இத்தகைய கஞ்சிகளை செய்ய, உள்ளூரில் கிடைக்கின்ற பீன்ஸ் மற்றும் இலை காய்கறிகளை ஒருவர் பயன்படுத்தலாம் என்பதை நினைவில் கொள்ளவும்
06:20	எப்போதும், சோளம், ராகி, வரகு போன்ற பல்வேறு சிறுதானியங்கள் மற்றும் தானியங்களுடன் பீன்ஸை சேர்க்க முயற்சிக்கவும்
06:31	இந்த கலவை குழந்தைக்கு முழுமையான புரதத்தை வழங்குகிறது.
06:35	இந்த தானியங்கள் மற்றும் சிறுதானியங்களின்malt செய்யப்பட்ட பொடிகளை குழந்தையின் உணவில் அல்லது
06:42	சமைக்கப்பட்ட முளைகட்டிய சிறுதானியங்களை பிசைந்து இத்தகைய கஞ்சிகளில் நீங்கள் சேர்க்கலாம்
06:48	மூன்றாவது உணவு, தண்டு கீரை காராமணி கஞ்சி
06:53	இதற்கு தேவையான பொருட்கள்: 2 மேசைக்கரண்டிகள்malt செய்யப்பட்ட தண்டு கீரை பொடி
06:59	2 மேசைக்கரண்டிகள் முளைக்கட்டிய காராமணி கூழ், ¼ தேக்கரண்டி முருங்கை இலை பொடி
07:06	செய்முறை: malt செய்யப்பட்ட தண்டு கீரை பொடியை செய்ய, இதே டுடோரியலின் முந்தைய செயல்முறையில் விளக்கப்பட்டுள்ள அதே வழிமுறையை பின்பற்றவும்
07:17	பின், முளைகட்டிய காராமணியை ஒரு ஸ்டீல் பாத்திரத்தில் எடுத்துக்கொள்ளவும். 4 முதல் 5 விசில் வரை அதை பிரஷரில் சமைக்கவும்.
07:26	இப்போது, இந்த சமைக்கப்பட்ட காராமணியை ஒரு கூழாக்கவும்
07:30	பின், இரண்டு மேசைக்கரண்டிகள் malt செய்யப்பட்ட தண்டு கீரை பொடியை ஒரு கிண்ணத்தில் எடுத்துக்கொள்ளவும். அதில், போதுமான அளவு தண்ணீரை சேர்க்கவும்
07:38	கட்டி தட்டாமல் இருக்க, அதை நன்கு கலக்கவும்
07:42	இந்த தண்டு கீரை பொடியின் நீர்த்த விழுதை, 2-3 நிமிடங்களுக்கு குறைந்த தீயில் சமைக்கவும் . இதில் காராமணி கூழை சேர்க்கவும்
07:52	இதை நன்கு கலக்கி, 4-5 நிமிடங்களுக்கு சமைக்கவும். பின், தீயிலிருந்து நீக்கவும்
07:58	இறுதியாக, இந்த சமைத்த கஞ்சியில், ¼ தேக்கரண்டி முருங்கை இலை பொடியை சேர்க்கவும். தண்டு கீரை காராமணி கஞ்சி தயார்
08:09	இந்த தண்டு கீரை காராமணி கஞ்சியில் பின்வருபவை நிறைந்துள்ளன- Protein, Omega-3 fatty acids
08:17	Phosphorus , Magnesium
08:20	Iron, Potassium மற்றும் Calcium
08:24	இத்தகைய கஞ்சிகளை செய்ய, பின்வரும் பொருட்களின் ஒரு கலவையை ஒருவர் பயன்படுத்தலாம்- ராகி, சோளம்
08:32	நரி பயறு, கடலை பருப்பு போன்றவை
08:37	நான்காவது உணவு- வெந்தய இலைகள் பீன்ஸ் கஞ்சி
08:41	இதற்கு தேவையான பொருட்கள்: 2 கப்கள் நறுக்கி, கழுவிய வெந்தய இலைகள், 1 தேக்கரண்டி நெய்
08:49	2 மேசைக்கரண்டிகள் புதிதாக அரைத்த தேங்காய் விழுது
08:52	2 மேசைக்கரண்டிகள் முளைக்கட்டிய பீன்ஸ் பொடி
08:56	பீன்ஸ் பொடியை செய்ய, இதே தொடரின் மற்றொரு டுடோரியலில் கொடுக்கப்பட்டுள்ள வழிமுறையை பின்பற்றவும்
09:04	செய்முறை: கடாயில் 1 தேக்கரண்டி நெய்யை சூடாக்கவும்.
09:09	வெந்தய இலைகளை சேர்த்து 2-3 நிமிடங்களுக்கு வதக்கவும்
09:13	அதை ஒரு சுத்தமான தட்டில் கொட்டி, சிறிது நேரம் ஆற விடவும்
09:18	பின், ஒரு மிக்சி அல்லது அம்மியை பயன்படுத்தி அதை கூழாக்கவும்
09:23	இந்த கூழை குறைந்த தீயில் ஒரு நிமிடம் சமைக்கவும். அதில் 2 மேசைக்கரண்டிகள் பொடித்த பீன்ஸை சேர்க்கவும்.
09:31	கட்டி தட்டாமல் இருக்க, அதை நன்கு கலக்கவும்
09:35	தேவைப்பட்டால், அதில் சிறிது அளவு கொதித்த, ஆறிய நீரைச் சேர்க்கவும்.
09:40	இப்போது, இதில் 2 மேசைக்கரண்டிகள் தேங்காய் விழுதை சேர்க்கவும்
09:44	தேங்காய் விழுதை செய்ய, புதிதாய் துருவிய தேங்காயை அரைத்து விழுதாக்கவும்
09:51	அடுத்து,இந்த கலவையை அடுத்த 7-8 நிமிடங்களுக்கு குறைந்த தீயில் தொடர்ந்து கிளறவும்.
09:58	வெந்தய இலைகள் பீன்ஸ் கஞ்சி தயார்
10:03	இந்த வெந்தய இலைகள் பீன்ஸ் கஞ்சியில் பின்வருபவை நிறைந்துள்ளன- Protein, Omega-3 fatty acids
10:10	Folate, Iron
10:12	Calcium, Phosphorus
10:14	Zinc மற்றும் Potassium
10:16	இந்த உணவை தயாரிக்கும் போது, முன்பு விளக்கியுள்ளது போல், தானியங்களை சேர்க்க அல்லது பல்வேறு தானியங்கள் மற்றும் சிறுதானியங்களை கலக்க நினைவில் கொள்ளவும்
10:27	ஐந்தாவது உணவு, வரகு கடலை பருப்பு கஞ்சி
10:32	தேவையான பொருட்கள்: 2 மேசைக்கரண்டிகள் வரகு
10:35	2 மேசைக்கரண்டிகள் முளைக்கட்டிய கடலை பருப்பு
10:38	3 மேசைக்கரண்டிகள் தேங்காய் பால், 1 தேக்கரண்டி நெய்
10:43	செய்முறை: ஒரு ஸ்டீல் பாத்திரத்தில் 2 மேசைக்கரண்டிகள் வரகை எடுத்துக்கொள்ளவும்.
10:48	அதை நன்கு கழுவவும். பின், அதில் 3-4 மேசைக்கரண்டிகள் தண்ணீரை சேர்க்கவும்
10:55	3-4 விசில்கள் வரும் வரை, அதை பிரஷரில் சமைக்கவும்
10:58	இதற்கிடையில், முளைக்கட்டிய கடலை பருப்பை 4-5 விசில்கள் வரும் வரை, அதை பிரஷரில் சமைக்கவும்
11:04	பின், அதனை ஒரு கூழாக்கவும்
11:07	ஒரு ஸ்டீல் பாத்திரத்தில், 1 தேக்கரண்டி நெய்யை சூடாக்கவும்
11:11	அதில், சமைத்த வரகு, கடலை பருப்பு கூழ் மற்றும் தேங்காய் பாலை சேர்க்கவும். அதை நன்கு கலக்கவும்
11:18	அடுத்த 4-5 நிமிடங்களுக்கு அதை சமைக்கவும். பின், ஆற விடவும். இப்போது, வரகு கடலை பருப்பு கஞ்சி தயார்
11:27	இந்த கூழில், பின்வருபவை நிறைந்துள்ளன- Protein, Iron
11:30	Phosphorus, Magnesium
11:33	Calcium மற்றும்Potassium
11:36	இத்துடன், 7 மாத குழந்தைகளுக்கான சைவ சமையல் குறித்த குறித்த டுடோரியலின் முடிவுக்கு வந்துவிட்டோம். இந்த டுடோரியலை தமிழாக்கம் செய்தது ஜெயஸ்ரீ. குரல் கொடுத்தது ஆர்த்தி. கலந்துகொண்டமைக்கு நன்றி.

Contributors and Content Editors

Arthi, Jayashree