Difference between revisions of "Health-and-Nutrition/C2/How-to-bathe-a-newborn/Kannada"
From Script | Spoken-Tutorial
Sandhya.np14 (Talk | contribs) (Created page with "{|border=1 | <center>Time</center> |<center>Narration</center> |- | 00:00 | '''How to bathe a newborn''' ಎಂಬ ಸ್ಪೋಕನ್ ಟ್ಯುಟೋರಿಯಲ್ ಗ...") |
(No difference)
|
Revision as of 17:04, 11 September 2019
| |
|
| 00:00 | How to bathe a newborn ಎಂಬ ಸ್ಪೋಕನ್ ಟ್ಯುಟೋರಿಯಲ್ ಗೆ ನಿಮಗೆ ಸ್ವಾಗತ. |
| 00:06 | ಈ ಟ್ಯುಟೋರಿಯಲ್ ನಲ್ಲಿ: ತಾಯಿ ಅಥವಾ ಪಾಲಕರು ಶಿಶುವಿಗೆ ಸ್ನಾನ ಮಾಡಿಸುವಾಗ ಪಾಲಿಸಬೇಕಾದ ಮುನ್ನೆಚ್ಚರಿಕೆಗಳು, |
| 00:15 | ಮಗುವಿಗೆ ಮೊದಲ ಸಲ ಸ್ನಾನವನ್ನು ಯಾವಾಗ ಮಾಡಿಸಬೇಕು,
ಸ್ಪಾಂಜ್ ಸ್ನಾನ, |
| 00:20 | ನಿಯಮಿತ ಸ್ನಾನ,
ಸಾಂಪ್ರದಾಯಿಕ ಸ್ನಾನ, |
| 00:23 | ಗುಡ್ಡಗಾಡು ಪ್ರದೇಶ ಅಥವಾ ಶೀತ ಪ್ರದೇಶಗಳಲ್ಲಿಯ ಶಿಶುಗಳಿಗೆ ಮಾಡಿಸುವ ಸ್ನಾನ ಹಾಗೂ
'ಕ್ರೇಡಲ್ ಕ್ಯಾಪ್' (Cradle cap) ಇವುಗಳ ಬಗ್ಗೆ ಕಲಿಯುತ್ತೇವೆ. |
| 00:32 | ನವಜಾತ ಶಿಶುವಿನ ತಂದೆತಾಯಂದಿರು, ಶಿಶುವಿಗೆ ಹೇಗೆ ಸ್ನಾನ ಮಾಡಿಸುವುದು ಎಂಬ ಆತಂಕದಲ್ಲಿ ಇರುತ್ತಾರೆ. |
| 00:37 | ಮಗುವಿಗೆ ಸ್ನಾನ ಮಾಡಿಸುವಾಗ ಸಾಕಷ್ಟು ಕಾಳಜಿ ವಹಿಸಬೇಕು. |
| 00:42 | ಒಂದು ಸಣ್ಣ ತಪ್ಪು ಸಹ ಶಿಶುವಿಗೆ ತುಂಬಾ ಹಾನಿ ಉಂಟುಮಾಡಬಹುದು. |
| 00:46 | ಹೀಗಾಗಿ, ಮಗುವಿಗೆ ಸ್ನಾನ ಮಾಡಿಸುವಾಗ ಅನುಸರಿಸಬೇಕಾದ ಸುರಕ್ಷತಾ ಸಲಹೆಗಳನ್ನು ತಿಳಿಯುವುದು ಬಹಳ ಮುಖ್ಯವಾಗಿದೆ. |
| 00:54 | ಮಗುವನ್ನು ಸ್ಪರ್ಶಿಸುವ ಮೊದಲು, ತಾಯಿ ಅಥವಾ ಕುಟುಂಬದ ಸದಸ್ಯರು ಬೆರಳಿನ ಉಗುರುಗಳನ್ನು ಮೊಟಕುಗೊಳಿಸಿರಬೇಕು ಮತ್ತು |
| 01:02 | ಯಾವುದೇ ಉಂಗುರ, ಬಳೆ ಅಥವಾ ಕೈಗಡಿಯಾರವನ್ನು ಧರಿಸಬಾರದು. |
| 01:07 | ಇದು ಮಗುವಿಗೆ ಗಾಯವಾಗುವ ಸಾಧ್ಯತೆಯನ್ನು ಕಡಿಮೆ ಮಾಡುತ್ತದೆ. |
| 01:11 | ಮಗುವಿಗೆ ಮೊದಲ ಬಾರಿ ಸ್ನಾನವನ್ನು ಯಾವಾಗ ಮಾಡಿಸಬೇಕು? |
| 01:16 | ಹೆರಿಗೆಯಾದ 48 ಗಂಟೆಗಳ ನಂತರ, ತಾಯಿಯು ಮಗುವಿಗೆ ಸ್ಪಾಂಜ್-ಬಾಥ್ ಮಾಡಿಸಲು ಪ್ರಾರಂಭಿಸಬಹುದು. |
| 01:22 | ಹೊಕ್ಕುಳಬಳ್ಳಿ ಉದುರುವವರೆಗೆ, ಸ್ಪಾಂಜ್-ಬಾಥ್ ಅನ್ನು ಮಾತ್ರ ಮಾಡಿಸಬೇಕು ಎಂಬುದನ್ನು ನೆನಪಿಡಿ. |
| 01:29 | ಬಳ್ಳಿಯು ಉದುರಿದ ನಂತರ, ತಾಯಿ ಅಥವಾ ಕುಟುಂಬದ ಸದಸ್ಯರು ಮಗುವಿಗೆ ನಿಯಮಿತವಾಗಿ ಸ್ನಾನ ಮಾಡಿಸಲು ಪ್ರಾರಂಭಿಸಬಹುದು. |
| 01:38 | ಒಂದುವೇಳೆ, ಕಡಿಮೆ ಜನನ ತೂಕದ ಮಗುವಿದ್ದರೆ, ಆ ಮಗುವಿನ ತೂಕ 2 ಕಿಲೋನಷ್ಟು ಹೆಚ್ಚಾಗುವವರೆಗೆ ಸ್ಪಾಂಜ್-ಬಾಥ್ ಮಾಡಿಸಬೇಕು. |
| 01:49 | ಸ್ಪಾಂಜ್-ಬಾಥ್ ಅನ್ನು ಹೇಗೆ ಕೊಡಲಾಗುತ್ತದೆ ಎಂದು ನೋಡೋಣ. |
| 01:53 | ಆರಂಭಿಸುವ ಮೊದಲು, ಕೊಠಡಿಯು ಸಾಕಷ್ಟು ಬೆಚ್ಚಗಿದೆ ಮತ್ತು ಕಿಟಕಿಗಳನ್ನು ಮುಚ್ಚಿದೆ ಎಂದು ಖಚಿತಪಡಿಸಿಕೊಳ್ಳಿ. |
| 02:00 | ಸ್ಪಂಜು ಸ್ನಾನ ಮಾಡಿಸುವ ಮೊದಲು ಮೃದುವಾದ, ಶುಚಿಯಾದ ಒಂದು ಸಣ್ಣ ಬಟ್ಟೆಯನ್ನು ಸಿದ್ಧವಾಗಿಡಿ. |
| 02:07 | ಮಗುವನ್ನು ಸುರಕ್ಷಿತ, ಸಮತಟ್ಟಾದ ಜಾಗದಲ್ಲಿರಿಸಿ. |
| 02:12 | ಇದಕ್ಕಾಗಿ ನೆಲವು ಸಾಕಷ್ಟು ಸುರಕ್ಷಿತವಾಗಿದೆ. |
| 02:15 | ಮಗುವನ್ನು ಎತ್ತರದ ಜಗಲಿ ಅಥವಾ ಕಟ್ಟೆ ಯ ಮೇಲೆ ಇರಿಸಬೇಡಿ. |
| 02:19 | ಸ್ನಾನದ ನೀರಿನ ತಾಪಮಾನವು 37 ಡಿಗ್ರಿ ಸೆಲ್ಸಿಯಸ್‌ಗಿಂತ ಹೆಚ್ಚು ಇರಬಾರದು. |
| 02:26 | ತಾಯಿಯು ತನ್ನ ಮೊಣಕೈ ಅಥವಾ ಮಣಿಕಟ್ಟನ್ನು ಬಳಸಿ ನೀರಿನ ಬಿಸಿಯನ್ನು ಪರೀಕ್ಷಿಸಬೇಕು. |
| 02:32 | ಸ್ನಾನ ಮಾಡಿಸುವಾಗ, ಸ್ವಚ್ಛಗೊಳಿಸಲು ಮೊದಲು ಸಾಬೂನು ನೀರನ್ನು ಬಳಸಿ. |
| 02:37 | ಸಾಬೂನು ನೀರನ್ನು ತಯಾರಿಸಲು, ಸೌಮ್ಯವಾದ, ಬಣ್ಣ ಮತ್ತು ವಾಸನೆಗಳಿಲ್ಲದ ಸಾಬೂನು ಅಥವಾ ಬೇಬಿ ಸೋಪ್ ಅನ್ನು ಬಳಸಿ. |
| 02:45 | ನಂತರ, ಸಾಬೂನನ್ನು ಹೋಗಲಾಡಿಸಲು ಶುದ್ಧ ನೀರನ್ನು ಬಳಸಿ. |
| 02:50 | ಮೃದುವಾದ ಒಂದು ಸಣ್ಣ ಬಟ್ಟೆಯನ್ನು ನೀರಿನಲ್ಲಿ ಅದ್ದಿ ಮತ್ತು ಹೆಚ್ಚಿನ ನೀರನ್ನು ಹಿಂಡಿ ತೆಗೆದುಬಿಡಿ. |
| 02:56 | ಈಗ ಮಗುವಿನ ಕಣ್ಣನ್ನು ಒಳಗಿನ ಮೂಲೆಯಿಂದ ಹೊರ ಅಂಚಿನವರೆಗೆ ಒರೆಸಿ. |
| 03:02 | ದೇಹದ ಇತರ ಭಾಗಗಳನ್ನು ಒರೆಸಲು ಅದೇ ಬಟ್ಟೆಯನ್ನು ಬಳಸಬೇಡಿ. |
| 03:06 | ಈ ಕೆಲಸಕ್ಕೆ ಯಾವಾಗಲೂ ಇನ್ನೊಂದು ಮೃದುವಾದ ಬಟ್ಟೆಯನ್ನು ಬಳಸಿ. |
| 03:12 | ಅಲ್ಲದೆ ಮಡಿಸಿರುವ ಭಾಗಗಳಾದ - ಕಂಕುಳ, ಕಿವಿಗಳ ಹಿಂದೆ, ಕತ್ತಿನ ಸುತ್ತ, |
| 03:18 | ಕೈಬೆರಳುಗಳು ಹಾಗೂ ಕಾಲ್ಬೆರಳುಗಳ ನಡುವೆ ಮತ್ತು ಜನನಾಂಗದ ಪ್ರದೇಶಗಳನ್ನು ಸ್ವಚ್ಛಗೊಳಿಸಲು ಮರೆಯಬೇಡಿ. |
| 03:25 | ನಾವು ಸ್ಪಾಂಜ್ ಸ್ನಾನ ಎಂದರೇನು ಎಂದು ಚರ್ಚಿಸಿದ್ದೇವೆ. ಈಗ ಸಾಮಾನ್ಯ ಸ್ನಾನದ ಬಗ್ಗೆ ಕಲಿಯೋಣ. |
| 03:31 | ದಯವಿಟ್ಟು ನೆನಪಿಡಿ - ಹೊಕ್ಕುಳಬಳ್ಳಿಯು ಬಿದ್ದುಹೋದ ನಂತರ ಎಲ್ಲಾ ಆರೋಗ್ಯವಂತ ಶಿಶುಗಳಿಗೆ ನಿಯಮಿತವಾಗಿ ಸ್ನಾನ ಮಾಡಿಸಬೇಕು. |
| 03:39 | ಸ್ನಾನ ಮಾಡಿಸಲು ನೀವು ಬಾಥ್-ಟಬ್ ಅನ್ನು (ಸ್ನಾನದತೊಟ್ಟಿ) ಬಳಸುತ್ತಿದ್ದರೆ –
ಮೊದಲು, ಅದನ್ನು 2 ಇಂಚುಗಳಷ್ಟು ಸಾಬೂನು ನೀರಿನಿಂದ ತುಂಬಿಸಿ. |
| 03:48 | ಮೊದಲೇ ವಿವರಿಸಿದಂತೆ, ಸಾಬೂನು ನೀರನ್ನು ತಯಾರಿಸಲು ಸೌಮ್ಯವಾದ, ಬಣ್ಣ ಮತ್ತು ವಾಸನೆಗಳಿಲ್ಲದ ಸಾಬೂನು ಅಥವಾ ಬೇಬಿ ಸೋಪ್ ಅನ್ನು ಬಳಸಿ. |
| 03:58 | ಶುದ್ಧ ನೀರನ್ನು ಹೊಂದಿರುವ ಮತ್ತೊಂದು ಟಬ್ ಅನ್ನು ಸಿದ್ಧವಾಗಿಡಿ. |
| 04:03 | ನಂತರ, ನಿಮ್ಮ ಮೊಣಕೈಯಿಂದ ಎರಡೂ ಟಬ್‌ಗಳಲ್ಲಿಯ ನೀರಿನ ಬಿಸಿಯನ್ನು ಪರೀಕ್ಷಿಸಿ. |
| 04:09 | ನೀರಿನ ಬಿಸಿಯು ಸರಿಯಾಗಿದೆ ಎನಿಸಿದಾಗ, ಸಾಬೂನು ನೀರಿರುವ ಟಬ್‌ನಲ್ಲಿ ಮಗುವನ್ನು ಬಹಳ ಎಚ್ಚರಿಕೆಯಿಂದ ಇರಿಸಿ. ತಲೆಯನ್ನು ಸರಿಯಾಗಿ ಹಿಡಿದುಕೊಂಡಿದೆ ಎಂದು ಖಚಿತಪಡಿಸಿಕೊಳ್ಳಿ. |
| 04:22 | ಮಗು ಟಬ್‌ನಲ್ಲಿದ್ದಾಗ ಹೆಚ್ಚಿನ ನೀರನ್ನು ಸೇರಿಸಬೇಡಿ. |
| 04:27 | ಮೊದಲಿಗೆ, ವಾಸನೆ ಮತ್ತು ಬಣ್ಣಗಳಿಲ್ಲದ ಬೇಬಿ ಶಾಂಪೂ ಅಥವಾ ಸಾಬೂನು ಬಳಸಿ, ಮಗುವಿನ ತಲೆಯನ್ನು ತೊಳೆಯಿರಿ. |
| 04:35 | ನಂತರ ಶುದ್ಧ ನೀರಿನಿಂದ ಮೆತ್ತಗೆ ಸಾಬೂನನ್ನು ತೊಳೆಯಿರಿ. |
| 04:39 | ಆಮೇಲೆ, ಮಡಿಕೆಗಳು ಮತ್ತು ಹೆಚ್ಚು ಕೊಳೆಯಿರುವ ಜನನಾಂಗದ ಪ್ರದೇಶಗಳ ಜೊತೆಗೆ ದೇಹದ ಉಳಿದ ಭಾಗವನ್ನು ಸ್ವಚ್ಛಗೊಳಿಸಿ. |
| 04:47 | ಕೊನೆಯಲ್ಲಿ, ದೇಹದ ಉಳಿದ ಭಾಗವನ್ನು ಶುದ್ಧ ನೀರಿನಿಂದ ಮೆತ್ತಗೆ ತೊಳೆಯಿರಿ. |
| 04:53 | ಒಂದುವೇಳೆ, ತಾಯಿ ಅಥವಾ ಪೋಷಕರು ಭಾರತೀಯ ಸಾಂಪ್ರದಾಯಿಕ ವಿಧಾನದಲ್ಲಿ ಮಗುವಿಗೆ ಸ್ನಾನ ಮಾಡಲು ಬಯಸಿದರೆ - ನೆಲದ ಮೇಲೆ ನಿಮ್ಮ ಕಾಲುಗಳನ್ನು ಉದ್ದಕ್ಕೆ ಚಾಚಿ ಕುಳಿತುಕೊಳ್ಳಿ. |
| 05:06 | ನಂತರ, ಮಗುವನ್ನು ನಿಮ್ಮ ಕಾಲಿನ ಮೇಲೆ ಇರಿಸಿ. |
| 05:09 | ಮಗುವಿನ ತಲೆಯು ತಾಯಿಯ ಅಥವಾ ಪೋಷಕಳ ಪಾದಗಳ ಹತ್ತಿರ ಇದ್ದು, |
| 05:14 | ಮಗುವಿನ ಪಾದಗಳು ಅವರ ಹೊಟ್ಟೆಯ ಬಳಿ ಇರಬೇಕು. |
| 05:20 | ಮಗು ಈಗ ಸ್ನಾನ ಮಾಡಲು ಸರಿಯಾದ ಸ್ಥಾನದಲ್ಲಿದೆ. |
| 05:24 | ಸ್ನಾನ ಮಾಡಿಸಿದ ತಕ್ಷಣ ಮೃದುವಾದ ಮತ್ತು ಶುಚಿಯಾದ ಟಾವೆಲ್ ಅನ್ನು ಬಳಸಿ ಮಗುವನ್ನು ಒರೆಸಿ. |
| 05:30 | ಈಮೊದಲೇ ವಿವರಿಸಿದ ದೇಹದ ಮಡಿಸಿದ ಭಾಗಗಳನ್ನು ಒರೆಸಲು ನೆನಪಿಡಿ. |
| 05:35 | ಟಾಲ್ಕಮ್ ಪೌಡರ್ ಅಥವಾ ಬೇಬಿ ಪೌಡರ್ ಬಳಸುವುದನ್ನು ಸಹ ತಪ್ಪಿಸಿ. |
| 05:40 | ಇವುಗಳು ನವಜಾತ ಶಿಶುಗಳಲ್ಲಿ ಉಸಿರಾಟದ ತೊಂದರೆಗಳನ್ನು ಉಂಟುಮಾಡಬಹುದು. |
| 05:45 | ಕಣ್ಣಿನಲ್ಲಿ ಸುರ್ಮಾ ಅಥವಾ ಕಾಡಿಗೆಯನ್ನು ಎಂದಿಗೂ ಹಾಕಬೇಡಿ. |
| 05:49 | ಸುರ್ಮಾ ಅಥವಾ ಕಾಡಿಗೆಯ ಬಳಕೆಯು, ನವಜಾತ ಶಿಶುಗಳಲ್ಲಿ ಸೀಸದ ವಿಷ (lead poisoning) ಮತ್ತು ಸೋಂಕಿಗೆ ಕಾರಣವಾಗಬಹುದು. |
| 05:56 | ಗುಡ್ಡಗಾಡು ಪ್ರದೇಶ ಅಥವಾ ಶೀತ ಪ್ರದೇಶಗಳಲ್ಲಿ ವಾಸಿಸುವ ಶಿಶುಗಳಿಗಾಗಿ ವಿಶೇಷ ಕಾಳಜಿಯನ್ನು ವಹಿಸಬೇಕು. |
| 06:04 | ಅಂತಹ ಶಿಶುಗಳಿಗೆ - ಬಳ್ಳಿಯು ಉದುರುವ ಮೊದಲು, ಸಂಕ್ಷಿಪ್ತವಾದ, ದೈನಂದಿನ ಸ್ಪಂಜು ಸ್ನಾನವನ್ನು ಮಾಡಿಸಬಹುದು. |
| 06:11 | ಆದಾಗ್ಯೂ, ಮಗುವನ್ನು ಒರೆಸಿದ ತಕ್ಷಣ, ತಾಯಿ ಅಥವಾ ಪೋಷಕಳು ಮಗುವಿಗೆ ಪರಸ್ಪರ ಚರ್ಮದ ಸಂಪರ್ಕವನ್ನು ಒದಗಿಸಬೇಕು. |
| 06:20 | ಇದು ಶಿಶುಗಳಲ್ಲಿ ದೇಹದ ಉಷ್ಣತೆಯು ಕಡಿಮೆಯಾಗುವ ಅಪಾಯವನ್ನು ತಪ್ಪಿಸುತ್ತದೆ. |
| 06:25 | ದಯವಿಟ್ಟು ಗಮನಿಸಿ, ಶಾಂಪೂ ಅನ್ನು ವಾರದಲ್ಲಿ ಎರಡು ಬಾರಿ ಮಾತ್ರ ಬಳಸಬೇಕು. |
| 06:30 | ಪ್ರತಿದಿನ ಶಾಂಪೂ ಬಳಸಬೇಡಿ ಏಕೆಂದರೆ ಅದು ನೆತ್ತಿಯಲ್ಲಿ ಶುಷ್ಕತೆಯನ್ನು ಉಂಟುಮಾಡುತ್ತದೆ. |
| 06:35 | ನವಜಾತ ಶಿಶುವಿನ ನೆತ್ತಿಯ ಮೇಲೆ ಗಡುಸಾಗಿರುವ ತೇಪೆಗಳು (ಕ್ರಸ್ಟಿ ಪ್ಯಾಚ್) ಅಥವಾ ಪೊರೆಗಳು (scales) ಕೂಡ ಉಂಟಾಗಬಹುದು.
ಇದನ್ನು 'ಕ್ರೇಡಲ್ ಕ್ಯಾಪ್' ಎನ್ನುತ್ತಾರೆ. |
| 06:45 | ಈ ತೇಪೆ ಅಥವಾ ಪೊರೆಗಳ ಸುತ್ತಲೂ ಸ್ವಲ್ಪ ಕೆಂಪಾಗಿರಬಹುದು. |
| 06:50 | ಗಮನಿಸಿ, 'ಕ್ರೇಡಲ್ ಕ್ಯಾಪ್' ಬಗ್ಗೆ ಚಿಂತಿಸಬೇಕಾಗಿಲ್ಲ. |
| 06:54 | ಅದು ತಂತಾನೇ ಹೋಗುತ್ತದೆ ಮತ್ತು ಅದಕ್ಕೆ ಚಿಕಿತ್ಸೆ ನೀಡುವ ಅಗತ್ಯವಿಲ್ಲ. |
| 06:59 | ಬೇಬಿ ಆಯಿಲ್ (baby oil), ಪೊರೆಗಳನ್ನು ಮೃದುಗೊಳಿಸಲು ಸಹಾಯ ಮಾಡುತ್ತದೆ. |
| 07:04 | ಪೊರೆಗಳಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ಮಾತ್ರ ಎಣ್ಣೆಯನ್ನು ಹಚ್ಚಿ. |
| 07:09 | ಅತೀ ಹೆಚ್ಚು ಎಣ್ಣೆಯು ಸ್ಥಿತಿಯನ್ನು ಇನ್ನಷ್ಟು ಹದಗೆಡಿಸಬಹುದು. |
| 07:12 | ನಂತರ, ಒಂದು ಅಥವಾ ಎರಡು ಗಂಟೆಗಳಲ್ಲಿ, ಸೌಮ್ಯವಾದ ಬೇಬಿ ಶಾಂಪೂಅನ್ನು ಬಳಸಿ ಮಗುವಿನ ಕೂದಲನ್ನು ತೊಳೆಯಿರಿ. |
| 07:20 | ಆಮೇಲೆ, ಹೆಚ್ಚು ಪೊರೆಗಳು ಬೆಳೆಯುವುದನ್ನು ತಪ್ಪಿಸಲು, ಒಂದು ಗಂಟೆಯ ನಂತರ ಅವುಗಳನ್ನು ಮೆತ್ತಗೆ ತಳ್ಳಿಬಿಡಿ. |
| 07:27 | ಈ ಪೊರೆಗಳನ್ನು ಎಳೆಯಬೇಡಿ. ಇದರಿಂದ ನೆತ್ತಿಯಲ್ಲಿ ಗಾಯ (sore) ಹಾಗೂ ಮತ್ತಷ್ಟು ಸೋಂಕು ಉಂಟಾಗಬಹುದು. |
| 07:33 | ಇಲ್ಲಿಗೆ ನಾವು ಈ ಟ್ಯುಟೋರಿಯಲ್ ನ ಕೊನೆಗೆ ಬಂದಿದ್ದೇವೆ.
ಈ ಸ್ಕ್ರಿಪ್ಟ್ ನ ಅನುವಾದಕಿ IIT Bombay ಯಿಂದ ಸಂಧ್ಯಾ ಪುಣೇಕರ್ ಹಾಗೂ ಧ್ವನಿ ಶ್ರೀಮತಿ ನಯನಾ ಭಟ್. ಧನ್ಯವಾದಗಳು. |
