Health-and-Nutrition/C2/General-guidelines-for-Complementary-feeding/Korku

From Script | Spoken-Tutorial
Jump to: navigation, search
Time
Narration
00:02 जरुरी खानपान जुगा तरिका इनी स्पोकन ट्युटोरिअलेन आपे सेबेईकुगा स्वागत होय.
00:09 इनी ट्युटोरिअलेन आबु इठुवा.
00:14 The importance of starting complementary food for 6 month old babies
00:19 तुरई महिना कातड्या घलजा जरुरी खानपान टे जुड़ावकेन मांडी.
00:27 नाका आबु इनी ट्युटोरिअलगा सुरुवात डाए लक्केन होय.
00:29 कातड्या के डीजा जनम डायेन दिन टे तुरई महिना टायेन निरा बुचू डीडोम का आनू होना.
00:37 तुरई महिना कातड्या टे मतलब इनी बन्ने की कातड्या उमर गा तुरई महिना टे का डायेन होय.
00:45 डीज तुरई महिना पूराटे उमर ऐई महिना चालुयेन.
00:52 इनी उमरेन कातड्या घलजा सिर्फ बुचू आनू का पूरा खानपान बन थाड़.
00:59 आंटे डीडोम संगोन ऊरान होंदारकेन आटा भी कातड्या के जु होना.
01:06 होंदारकेन आटा भी कातड्या घलजा जरुरी अनाजों होय.
01:11 इनी तुरई महिना टे चोबीस महिना कातड्या के जु जरुरी होय.
01:18 कातड्या आकार बढ़ावगून, रोगोरई टे बचावगू घलजा डो चतराय आरुन इनी पौष्टिक अनाजों कामोगा होय.
01:26 उमरा तुरई महिना टालान जरुरी खानपान कातड्या के चचरा जरुरी होय.
01:33 बन टासोन कातड्या बढ़ाटिंजुगेन अडथड़ा हेजेवा.
01:39 खाडू-खाडू कातड्या गा अनाजों बन जीजोम प्रमाणेन भी परिणाम डाउवा.
01:47 ध्यान डोकी की जरुरी खानपान बुचू आनूटे लाज बिबीखिजा का कामाय डाडावा.
01:53 डे घलया कम-टे-कम उमर बारी साल टायेन बुचू आनू जरुरी होय.
02:00 प्रकार,
02:02 मिमलाटिंज
02:04 डो जरुरी आटा प्रमाण कातड्या गा उमर हिसाबोटे बदलाटिंजूवा.
02:10 हर उमरा कातड्याकू घलया अलगो-अलगो महिती घलकेन होय.
02:16 इनी का भागों गा दुसरा ट्युटोरिअलेन डे बारेन पूरा मांडी-रुंडी डाकेन होय.
02:23 नाका सेबेई उमर कातड्याकू घलजा जरुरी खानपान जुगा बारेन महिती सावा.
02:31 टुनिका भी उने चीजों जीजोम घलया कातड्या के जू जरुरी होय.
02:37 बादोन डी का चीजों दुसरा चीजों साथोन कातड्या के जोजोम जू होना.
02:42 कातड्या के म्या डो खास चीजों जोजोम हानिकारक डऊवा की बन डे गा महिती डाडान मदत घाटऊवा.
02:48 जानेन सेबेई प्रकारगा चीजों घई घलजा अलग-अलग चीजों जोजोम भी जरुरी होय.
02:54 हर उफून दिन बादोन कातड्या खानपानेन नया चीजों गा वापर डाय.
03:01 सुटू जीके मिनि आटान म्या चमच नया चीजों जी टे सुरुवात डाय.
03:08 रोज आरोम्बो-आरोम्बो टे डे प्रमाण बढ़ावगे.
03:12 सेबेई इलार खानपान ग्रुपेन पौष्टिक जाड़ा आटा आरोम्बो-आरोम्बो टे जू जरुरी होय.
03:20 पहेला खानपान गा ग्रुप अनाजों डा कंद-मूल होय.
03:27 उसळ, दाना डो मेवा इनी दुसरा गट होय.
03:32 तिसरा गट होय डीडोमा चीजों
03:37 चौथा गट होय जिलु, काकू डो सिमकू.
03:42 पाँचवा गट होय आटकोम.
03:46 सहावा गट होय जीवनसत्व - अ टे भरपूर फल डो भाजीपाला.
03:52 सातवा गटेन निरा फल डो भाजीपाला गा समावेश होय.
03:57 आखरी लेकिन सेबेईकू टे कामुगा आठवा गट होय आंटे डीडोम..
04:04 बाकी खानपान संगोन हररोज इनी सेबेई गा समावेश डाडा जरुरी होय.
04:11 डीफिर डोके टासोन कातड्या खानपानेन सेबेई इलार भी चीजों का समावेश डाऊ होना.
04:17 अगर म्या डो कातड्या खानपानेन इनी इलार भी चीजों टाला मोनाईया टे कम चीजों टे भी कमयेन टासोन कातड्या जान घलजा अच्छा बन थाड़ होय.
04:24 इनी सेबेई चीजों गा खानपानेन वापर डाडा जरुरी होय.
04:28 कुछ कातड्याकून आंटे डीडोम थायका बन घाटाऊ.
04:33 डिजा आटान हररोज ऐई गट गा समावेश डाडा होना.
04:40 साथोन का डीजके हररोज 500 मि. ली. गई गा डीडोम डो बारी बार आटा जू होना.
04:49 कातड्या के डीडोम आनुटे सुटू गई म के बलकी होना.
04:55 नाका आबु कातड्या खानपानेन नया खानपान गट गा बारेन मांडीवा.
05:02 आंटे डीडोम बरोबर पहला मोनाई गट टालाटे जरुरी खानपान जू सुरुवात डाडा होना.
05:09 उमर तुरई महिना बादोन कातड्या के ज्यादा प्रमाणेन पौष्टिक चीजों जू होना.
05:16 लेकिन सुरुवात गा टेमोन कातड्या के जे लक्केन आटा प्रमाण कम थाड़वा.
05:24 डी घलजा पहिला मोनाई गट टाला पौष्टिक जाड़ा आटा जे सकता वा.
05:31 इनी चीजों अनाजों टाला पौष्टिक घटक डो मेद इनी पौष्टिक घटक टे भरपूर थाड़वा.
05:38 कातड्या आकार डो हाड्डे गा विकासेन इनी जरुरी कामाय निनभाटिन्जवा.
05:45 कातड्या दिमाग विकास घलया मेद जरुरी होय.
05:50 इनी चीजों बादोन भाजीपाला डो फल जू सुरोय.
05:57 भाजीपाला डो फल टालान जीवनसत्व डो खनिज भरपूर थाड़वा.
06:03 लेकिन डी पहिला मोनाई गटा टाला अनाजों पौष्टिक घटक डो चरबी रोंगो पौष्टिक घटक टे भरपूर बन थाड.
06:11 डे वाजाटे वजन कमू खिजा परेशानी टे बचाटिंजू घलजा डी थोड़ा देर टे खानपानेन जू चालुया.
06:18 डिफीर भी फल जोजोमेन लिंवडी थाड़वा.
06:23
06:31 अलगो-अलगो चव अनुभव सावेन वाजाटे कातड्यान ज्यादा टे ज्यादा चीजों जोजोम घलया सान मदत डाऊवा.
06:37 डे वाजाटे बादोन डीज कम जोजोम मिठाज कातड्या आरुउ गा प्रमाण ज्यादा थाड़वा.
06:44 डी घलया बाकी सेबेई प्रकारगा खानपान गा समावेश डायेन बादोन कातड्या आटान फल गा समावेश डाडा होना.
06:51 दिनेन म्या या बारी बार तो भी ताजा मौसमा हिसाबोटे गावेन घटऊ मिनी फल लियेन ज्यादा जोर जू गा डॉक्टर मांडीवा.
06:59 दररोज आटा जोवेन बादोन लिंवडी चीजों जगान फल जे सकता वा.
07:05 फल गा गाडा रस्स कातड्या आटा गोन बाकी जू होना.
07:11 इनी उमर कातड्याकू घलया फल आटान समावेश डाडा गा बन्ने.
07:16 येनेन घरगुती डो आरुकेन फल रस गा समावेश टाका होय.
07:23 ध्यान डोय की बारी साल टायेन बुचू डीडोम आनू सुरुका डोय.
07:28 सगड़ा आटा कातड्या के बाकी जू डे वाजाटे डीजेन दम घोटाटिंजू खिजा घाईवा.
07:34 मेवा, अंगुर, चना डो काचा गजरे चिना इनी डेगा उदाहरण होय.
07:44 सपाटे आबुंज टे बोंदारकेन ताजा घरगुती आटा कातड्या घलया अच्छा होय.
07:51 अगर कातड्या आटा डोडो टासोन आलेगा आटा-पानी सही डोडो तरिका गा ट्युटोरिअल डोगे.
07:57 सही त्यारी डो कातड्या के आटा जूगा बारेन इनी का ट्युटोरिअलेन मांडी कानिकेन होय.
08:06 ऐठा जानकारी घलया आलेगा वेबसाइट लिया बटन दबावगे.
08:10 आटा गोन का बलटे राबानकेन डा भी तुरई महिना कातड्या के जे सकतावा.
08:18 दिनेन बारी बार 30 टे 60 मि. ली. डा टे सुरुवात डाय.
08:25 डे प्रमाण गरम वातावरण डो कातड्या गरजों हिसाबोटे बढ़ावगे.
08:31 आंटे डीडोम डो डा कातड्या घलया सेबेईकू टे अच्छा नुनू चीजों होय.
08:37 लेकिन डे गा सही समय होना, जरुरी होय.
08:42 आटा जोजोम सुटू कातड्या के आंटे डीडोम डो डा नुनू घलजा जू बाकी.
08:48 आटा रागेंज हेयेन कातड्यान नया चीजों जजोम गा भी ईच्छा डाऊवा.
08:54 आटा जोजोम 20 टे 30 मिनिट टायेन या बादोन कातड्या के बुचू आनू डो डा जे सकता वा.
09:02 कातड्या जान खाडू घलया सेबेई प्रकार गा अनाजों खोप जरुरी होय.
09:08 येने साथोन आबु ट्युटोरिअलगा आखरी टप्पान हेयेन होय. आपे सेबेईकू जुड़ाटिंजकेन डे घलया.

धन्यवाद.....

Contributors and Content Editors

Podharni