https://script.spoken-tutorial.org/index.php?action=history&feed=atom&title=Health-and-Nutrition%2FC2%2FBreast-conditions%2FKorku 2026-04-26T15:36:49Z Revision history for this page on the wiki MediaWiki 1.23.17 https://script.spoken-tutorial.org/index.php?title=Health-and-Nutrition/C2/Breast-conditions/Korku&diff=54912&oldid=prev 2021-03-12T06:35:36Z

<p></p> <a href="https://script.spoken-tutorial.org/index.php?title=Health-and-Nutrition/C2/Breast-conditions/Korku&amp;diff=54912&amp;oldid=54890">Show changes</a>

Podharni https://script.spoken-tutorial.org/index.php?title=Health-and-Nutrition/C2/Breast-conditions/Korku&diff=54890&oldid=prev 2021-03-05T11:01:40Z

<p>Created page with &quot;Time Narration 00:00 बुचू आणू कातड्या आंटे बुचू स्थिती गा बारेन इनी स्पोकन ट्यु...&quot;</p> <p><b>New page</b></p><div>Time Narration<br /> 00:00 बुचू आणू कातड्या आंटे बुचू स्थिती गा बारेन इनी स्पोकन ट्युटोरिअलेन आपे सेबईकू गा स्वागत होय.<br /> 00:06 इनी ट्युटोरिअल आबु डीडोम भरतीकेन बुचू डो बुचू गा कासु बारेन इठुवा होय.<br /> 00:13 डीडोम भेरतीकेन बुचू एने टेका सुरुवात डायवा.<br /> 00:17 रिटायेन बादोन अफई डो मोनाई दिना टाला मंजोन डीडोम भरतीकेन बुचू रोंगो चिनाऊवा.<br /> 00:23 इनी म्या टेमोन बारी भी बुचू चिनाऊवा.<br /> 00:28 आंटे पूरा का भेरतीकेन बुचू डो कड़क बुचू इनी चीचनान गड़बड़ बकी डाडा होना.<br /> 00:33 इफीर रोंगो नाका आबु डीडोम भेरतीकेन बुचू बारेन फरक डोडोवा.<br /> 00:40 डीडोम भेरतीकेन बुचून - बुचू फुलाटिंयु, साड़ू डो डीडोम भेरतीऊवा पणी कासूवा.<br /> 00:46 डे मारेन बुचू गा सम्मा भागो भेरतीकेन खिजा डुगूवा डो नेस्सो लियेन ओडकेन खिजा डुगूवा.<br /> 00:52 आंटेन 24 घंटा टे भी जादा टेमो तायेन रोवआ हाजे सकता वा डो कातड्यान बुचू उठान तकलिफ सेनेवा.<br /> 01:01 डो, पूरा भेरतीकेन बुचू साधारण ठाड़वा.<br /> 01:04 पूरा का भेरतीकेन बुचू खाट डुगूवा पणी डी तान्नावकेन रोगो बन डुगू.<br /> 01:10 डीडोम भेरतीकेन बुचू कासु बन्ने डो डी टेमोन रोवआ बन हाजे.<br /> 01:17 नाका आबु बुचू आणू आंटे डो डीडोम भेरतीकेन बुचू बारेन चर्चा डाडावा.<br /> 01:23 डीडोम भेरतीकेन बुचू गा कई अवस्था सम्मा स्थितीन डोडोवा.<br /> 01:27 रिटायेन बादोन आंटे कातड्या के तुरतो का बुचू आणुडू तासो<br /> 01:32 आंटे कातड्या के बार-बार डीडोम आणूडून.<br /> 01:36 डीडोम आणू बेरान आंटे बुचून कातड्या गा बरोबर पकड़ बन्ने.<br /> 01:42 आंटे अचानक डीडोम आणू बंदो के होंगा.<br /> 01:47 बो नाका आबु डीडोम भेरतीकेन बुचू लियेन चुफार उपचार डाडा होना डे बारेन महिती सासावा<br /> 01:51 पेला आंटे के अच्छा डा टे टी आबुंज घाले.<br /> 01:56 मेटे कातड्या के आंटे मेरान सागेज ताकी डीज कातड्या के डो सकता वा डीजा सुकिंज सा सकता वा डो डीज के उठा सकता वा.<br /> 02:03 कातड्या जादा का जाम तासो आंटे डी टेमोन कातड्या गा कपड़ा गा सुकिंज सा सकता वा.<br /> 02:08 डे बादोन, आंटे म्या गिलास डा नुया.<br /> 02:12 मेटे मोनई ते गेल मिनीट तयेन ओला का गरम कपड़ा डोकी.<br /> 02:18 डो, आंटे हलका गरम डाटे आगुंज सकता वा.<br /> 02:21 डे वाजाटे बुचू टे डीडोम बाहेरान हजेन मदत घटाऊवा.<br /> 02:24 डे बादोन, दवाखाना कार्यकर्ताकू आंटे के आरोम्बोऊ घलया मांडी होना. जादा परेशानी वाजाटे लेट-डाउन रिफ्लेक्स लियेन (डीडोम ओड गा प्रतिक्रिया लियेन) परिणाम डाऊवा.<br /> 02:33 डो, डीडोम बाहेरान बन हाजे.<br /> 02:36 नाका, आरोग्य कार्यकर्ताकू डो कुटूम परिवारागा कोरकू आंटे गा गरदना लिंज डो भवडी गा लिंजा भादो के लेलमेड होना.<br /> 02:43 डे मारे बुचू टे डीडोम ओडेन मदत डाउवा.<br /> 02:46 भवड़ी गा लिया नेस्सो डो बुचू लियागा नेस्सो म्या का थाड़वा.<br /> 02:52 डे बादोन आंटे हेजा बुचू के टी टे आरोम्बो-आरोम्बो टे गोल-गोल टे लेलमेड होना.<br /> 02:57 लेलमेड डाडा की जीडेन आरोम्बो घटाऊवा डो लेट-डाउन रिफ्लेक्स (डीडोम ओडा प्रतिक्रिया) सुधराटिंयुवा.<br /> 03:03 इनी सेबई मांडी ऑक्सिटोसिन पेपदान मदत डाडावा.<br /> 03:07 इनी के ऑक्सिटोसिन रिफ्लेक्स या लेट-डाउन रिफ्लेक्स मेंटो मांडीवा.<br /> 03:12 इनी के ऑक्सिटोसिन रिफ्लेक्स या लेट-डाउन रिफ्लेक्स मेंटो मांडीवा.<br /> 03:17 डे बादोन आंटे एरिओल के नरम डाडा घलया टी टे डीडोम ओड चले.<br /> 03:23 एने वाजाटे कातड्यान अच्छाटे बुचू उठान मदत डाउवा.<br /> 03:27 बुचू टे टी टे डीडोम ओड बेरान - आंटे बुचू गोठणे गा आजूबाजू केंडे गोल भागो के ददबाटिंज होना.<br /> 03:33<br /> टीटे डीडोम ओडवेना बादोन - कातड्यान स्वता का उठा घलया कठिन सेनेवा, डे मारे आंटे कातड्या गा चाबून बुचू गोठणे के जू होना<br /> 03:43 बारी का धेड़ टे बुचू आणू कोशिश डाडा होना.<br /> 03:46 आंटे बुचू आणू डायेन बादोन डी टेमोन 5 ते 10 मिनीट बुचू लियेन ओला राबान कपड़ा डोकी या.<br /> 03:54 आंटे बुचू लियेन राबान गोबी पाला डो सकता वा.<br /> 03:58 इनी गोबी पाला रेफ्रिजरेटर या कासा गा बरतनेन जमाव टे डो सकता वा.<br /> 04:04 एने मारे कासू डो नरम बुचू डो डा टाका साड़केन बुचू साड़ कम डाडागेन मदत डाउवा.<br /> 04:09 मेटे आंटे बार-बार बुचू आणू चले.<br /> 04:13 नाका आबु इठुवा, बुचू गा कड़क्कोउ के चुफार टे रोकाटिंज सकता वा.<br /> 04:17 पेला, कातड्यान रागेज हेजकेन इनी ससामजावटिंज गा कोशिश डाडा - जैसा की जू गा वालवाल.<br /> 04:25 बोटो के बूबुज.<br /> 04:28 रुटिंग रीफ्लेक्स याने की - टुनिका भी चीजों कातड्या चाबून या गालेल घाईवा, कातड्या डीजा कापार डी धेड़ेन घुमावगेवा<br /> 04:36 बोटो के बुबुज.<br /> 04:39 टेमोए तासो, कातड्या जाम सुरुयेवा.<br /> 04:43 जब भी कातड्यान रागेज हेन खिजा चिनाऊवा तब का कातड्या के बुचू आणू की, कातड्या गा जामा कोरा बकी डोडो.<br /> 04:50 कातड्या गा बुचू उठा गा तरिका सही डो डी सही तरिका टे बुचू नुणू लकेन एनेगा ध्यान डोडो.<br /> 04:55 ध्यान डोकी की, बुचू आणू बेरान म्या बुचू खालीयेन की का दुसरा बाजू गा बुचू आनोय.<br /> 05:02 सम्मान, आबु एठा म्या बुचू गा स्थिती गा बारेन इठुवा डो डी बुचू गा कासू (दाह याने की - भगर-भगर कासू, या जलन).<br /> 05:08 इनी म्या इफीर स्थिती होय, डेयेन बुचू गा भागो राटा, साळ डो कड़क्कोऊवा.<br /> 05:14 आंटेन रोवआ, बेभाव कासू डो बिमारी रोंगो चीनाऊवा.<br /> 05:18 लैका आंटेकू पेला तुराई हप्ता 'बुचू कासू (जलन)' एनेगा तकलिफ सेनेवा.<br /> 05:22 पणी इनी बुचू आणू बेरान कभी भी डाऊ सकता वा.<br /> 05:27 बुचून जलन डो कड़क बुचू एनेन गड़बड़ डाऊ सकता वा.<br /> 05:31 जब की कड़क बुचू गा परिणाम पुरा बुचू लियेन डो बारी भी बुचून लियेन डाऊवा.<br /> 05:37 मेटे बुचू गा जलन एनेगा परिणाम बुचू गा लियेन डो केवल म्या बुचून भी डाऊवा.<br /> 05:44 बुचू भेरतीयेन वाजाटे या बुचू नल्ली बंदोयेन वाजाटे भी बुचू कासू सकतावा.<br /> 05:51 अगर बुचूगा कासू लियेन इलाज डाडू तासो बंदो केन नल्ली गा चुफार टे विकासो डाऊवा. एने बारेन आबु चर्चा डाडावा.<br /> 05:59 बंदो नल्ली इनी म्या स्थिती होय. एनेन बुचू टे डीडोम बन ओड.<br /> 06:04 कई बार इनी नल्ली बुचू गा हिस्सा थाड़ डा जो जाड़ा डीडोमा वाजाटे बंदोईवा.<br /> 06:11 एनेगा गाँठ आरुवा इनी गाँठ नरम थाड़वा डो कई बार गाँठ लियाँ गा चमड़े राटा-राटा थाड़वा.<br /> 06:20 बंदो नल्ली डो जाड़ा बुचू वाजाटे डीडोम गोलाउवा.<br /> 06:24 डीडोम जब बंदो नल्ली डो जाड़ा बुचून थाड़वा इनी के का 'डीडोम गोलाऊ' इफान मांडीवा.<br /> 06:32 जब गोलाकेन डीडोम ओड्डून तासो, बुचूगा पेशी साडू सकतावा. इनी के संसर्ग बन्ने बुचू जलन मेंटो मांडीवा.<br /> 06:42 जब कभी-कभी बुचून जंतुकूगा संसर्ग डाऊवा इनी के का संसर्गजन्य 'बुचूगा जलन' मेंटो मांडीवा.<br /> 06:51 इठा स्थितिन जंतु सोपा टे का बुचू टालान मुयूवा.<br /> 06:56 अगर बुचून चिरा टाका तासो इलाज डाडू तासो बुचूगा कासू डो बुचू गा कासू गा इलाज डाडागेन टेमो डाऊवा.<br /> 07:06 ध्यान डोकी, बुचून ऊजू डायेन ऊजू याने की बिना इलाजा गा बुचू जलन जादाऊवा.<br /> 07:11 नाका बुचूगा जलन एने बारेन मांडीवा.<br /> 07:15 'बुचू जलन' गा पेला डो सेबई टे महत्त्वपुर्ण कारण म्हणजे बार-बार बुचू बन आणू होय.<br /> 07:21 अगर बुबूचू आंटे हेज कामय मिठाज तासो, बार-बार बुचू आणून अड़चन डाऊवा.<br /> 07:27 बार-बार बुचू बन आणू म्हणजे एने कारण इनी होय की कातड्यागा डो आंटे गा हमेशा बिमारी थाड़ हो सकता.<br /> 07:33 बाऱ्या इनी की निप्पल टे बुचू आणू एने टे कातड्या बुचू टे पुरा डीडोम स्यागू.<br /> 07:40 अफईया इनी की डीडोमा जादा थाड़ होय.<br /> 07:43 उफुनया इनी की आंटे डीडोमा टे जल्दी आरा डो कातड्या डीडोमा अलावा दुसरा आटा जीजोम लज्जे होय.<br /> 07:50 मोनईया इनी की फिट कपड़ा - अगर आंटे फिट कपड़ा उरीवेन तासो डो खासकर राटो अगर आंटे फिट ब्रा उरीवेन तासो बुचू दबावगूवा डे वाजाटे डीडोमा नल्ली बंदोऊ सकतावा.<br /> 08:03 तुराईया इनी की रिटाऊ बेरान तकलिफ - आंटेन टुनिका भी परेशानी टाका तासोन डे गा परिणाम लेट डाउन रेफ्लेक्सानेन डाऊवा.<br /> 08:12 एईया बुचून चिरा थाड़ होय - इनी जंतुकू के बुचू टालान पेशीन सेनेगा म्या कोरा खिजा होय डे घलया बुचून जलन डाऊ सकता वा.<br /> 08:22 बो नाका बुचू जलन गा इलाजा बारेन डोडोवा.<br /> 08:26 पेला कारण चिचना गा कोशिश डाय डो बादोन इलाज डाय.<br /> 08:31 आंटे बुचू आणू सुटू बुचू लियेन नरम कपड़ा गा वापर डाए.<br /> 08:35 या हलका गरम डाटे आंगुज जोम.<br /> 08:37 पेला डीज बंदो बुचू टे बुचू आणून सुरुवात डाय.<br /> 08:42 अगर कासु जादायेन तासो लेट डाउन रिफ्लेक्स (डीडोम ओड गा प्रतिक्रिया) लियेन परिणाम डाएन तासो अच्छा बुचू टे बुचू आणुया.<br /> 08:50 ध्यानेन डोकी की, बार-बार डीडोम आणू जरुरी होय.<br /> 08:55 अगर बुचू गोठणे या बुचू गोठणे आजूबाजून केंडे गोल भागो लियेन जखम बन तासोन आंटे बंदोकेन बुटू टे बुचू आणू सकता वा.<br /> 09:04 ध्यानेन डोकी की, जब भी आंटे बुचून जलन टाका बुचू टे कातड्या के बुचू आणू तासो तब-<br /> 09:09 आंटे कातड्यान रोगो हाजे लियेन ध्यान डोकी कारण कातड्यान रोगो हाजेगा धोका थाड़वा.<br /> 09:17 बंदोकेन धेड़ा बुचू दीदोमेन अनेक हानीकारक जंतुकू थाड़ सकता.<br /> 09:24 बुचू लेमेड के की डीडोमा धार अच्छा ओड सकतावा.<br /> 09:28 बंदोकेन भागो कोनटे निप्पल टायेन आरोम्बो-आरोम्बो टे लेलमेड होना.<br /> 09:34 डो आंटे थोड़ासा आरोम्बो साया.<br /> 09:37 खतरनाक बिमारी रोंगो तासो हेज का डॉक्टरागा साला सा जोम.<br /> 09:40 बुचू गा उजू के ऑपरेशन डाटे डो अँटिबायोटिक्स सासागा आवश्यकता होय.<br /> 09:47 एने अलावा आंटे डीजा जूगेन आरोम्बो घटाऊ घलया कोशिश डाडा होना डो लंबा डो म्या सरिका साँस सागे.<br /> 09:55 सुकून जू रोंगो सिरींज आयूमे डो लेट-डाउन के सुरु घलया कातड्या गा बिचार डाया.<br /> 10:04 ध्यानेन डोकी, बुचू गा कासू के रोराखाटिंज घलया कातड्या गा बुचू लियेन अच्छा पकड़ होना जरुरी होय.<br /> 10:09 एने वाजाटे बुचू नल्ली बंदोऊ बन डो कातड्यान अच्छा डीडोम घटाऊवा.<br /> 10:14 इनी सेबई बुचू गा स्थिती टे बचाटिंयू घलया मुख्य मांडी इनी होय - कातड्या गा अच्छा तरिका टे पकड़ डो स्थिती और बार-बार बुचू आणू.<br /> 10:24 आबु बुचू आणू माय गा 'बुचू गा स्थिती' इनी ट्युटोरिअलगा आखरी टप्पान आदीरेन होय.<br /> 10:31 इनी ट्युटोरिअलेन आबु 'कड़क बुचू' डो 'बुचू जलन'(बुचू कासू) एने बारेन इठुकेन होय.<br /> 10:37 इनी ट्युटोरिअलेन मदत स्पोकन ट्युटोरिअल प्रोजेक्ट आयआयटी बॉम्बु कू कोनेटे घटाकेन होय.<br /> 10:43 स्पोकन ट्युटोरिअल प्रोजेक्ट के भारत सरकार गा NMEICT, MHRD कोनटे योगदान घाटाकेन होय इनी मिशन पुरा माहिती इनी का लिंक के डोगे सकता वा.<br /> 10:56 इनी ट्युटोरिअलेन व्हिल्स ग्लोबल फाऊंडेशन इनकु कोनटे भी भरपूर अनुदान घाटाकेन होय.<br /> 11:03 इनी ट्युटोरिअल 'आंटे डो कातड्या गा पालन-पोषण' इनी प्रोजेक्ट गा म्या योजनागा भाग होय.<br /> 11:07 इनी ट्युटोरिअल गा कार्यक्षेत्र परिक्षक डॉ. रुपल दलाल, एमडी. बालरोग चिकित्सक डो डॉक्टर तरु जिंदल, एमएस प्रसुतितज्ञ डो स्त्रीरोगतज्ञ होय.<br /> 11:20 इनी स्क्रिप्ट गा कोरकू मांडीन भाषांतर रामगोपाल रामलाल भिलावेकर, रोशन रा. जांबु, गोविंदा सावलकर, हिरामण भिलावेकर इनकू डाखे, आय. आय. टी. बॉम्बे कु कोनटे इंज रंजना ऊके आपे सेबईकू गा बिदा सावा. आपे सेबईकू हेजकेन डो मिलावकेन डे घलया धन्यवाद....!!</div>

Podharni